ليــــــــــــــــلى

بدور عليكي
ومش لاقيكي
انتي فين ياليلي
دول باعوكي
بعد ما اسوكي
علي حبيبك يا ليلي
دانتي مش عارفاني
وكمان نسياني
وانا المجنون بيكي
عاشق نيلك ترابك
طول عمري خدام جنابك
ولا مرة خليت بيكي
روحي فداكي ودمي
لمي ولادك لمي
لميهم حواليكي
دانا مت زمان شهيد
دلوقتي بموت شهيد
ولاعمر يغلا عليكي
طلي علينا طله
حياتنا بقت ممله
وعشمنا كبير فيكي
@@@
ولادك تحت الكباري
غطاهم التراب
محصلناش جواري
كأننا أغراب
وبتختفي تداري
بقيتي ليه سراب
@@@
ارجعي يا ليلي لينا
كفاية بعاد
اكيد ناسية اسامينا
ومكحوله بالسواد
انا خالد ومينا
انا الشيخ عماد
@@@
انا لا عادلي ولا حبيب
ولا كنت زمان مبارك
لو شمسك يوم تغيب
كنت اعمل معارك
ليه معملاني غريب
واتلونت بسمارك