الي من كانت حبيبتي

الي من كانت حبيبتي

 ومالكة احساسي
اكتب لكي رسالتي

 وما يدور في حواسي
اعرف أن لقاءنا

 صعب مستحيل
لكن مازلت أنا

 اهفو لكي اميل
مع كل طلعة بدر

 ارسل تحياتي
مع كل بسمة فجر

 حتي مع النجمات
لا تستغربي ...

 حين يداعب صوت الريح اذنيك

 فاعلمي ..

 ان هذا صوت انفاسي
الي ما كانت حبيتي 

ومالكة احساسي

عندما اتفقد

 صورتك بين طياتي
واراكي تبتسمين

 وتقلبي في صفحاتي
أتمزق وتنمهر

 علي الخدود دمعاتي
وادعو لكي بالهناء

 واعيش في ذكرياتي
الي من كانت حبيبتي

 ومالكة احساسي
اكتب لكي رسالتي

 وما يدور في حواسي

معقول انت حبيبي

معقول انت حبيبي
اللي عشته ليه
واللي سمعت منه
انا احلا كلام
تعمل كدا فيا
وقلبي تجرح فيه
والجرح يكون منك
جرح تحت الحزام
عملت ايه فيك
انت يا جارحني
دانا كنت مشتريك
بروحي وانت دابحني

روح الله يسامحك .
. مش عايز اشوفك تاني
غرتني طيبة ملامحك .
. وانت جواك اناني
كنت فاكرك ملاك
اتاريك بركان هلاك
ماعادش ينفع استناك
وانت عليا جاني

ماتزعلش ع اللي راح

ماتزعلش ع اللي راح
وفكر بقي في الجي
يا عم عيش وارتاح
دي الدنيا مالها زي
واتعلم بقي من غلطاتك
رتب وعيد حساباتك
واقفل بابك ع اللي فاتك
واخرج للنور والضي

ليه تندم .. وتتألم
وبسهوله كدا تسلم
لأ .. فكر اتعلم
وامشي ضد التيار
الطريق صعب في اولوا
لكن بعزيمتك كملوا
الليل تقدر تحولوا
بقوتك للنهار

لاتسوق عليا اوليا

لا تتحايل عليِ .. لاتسوق عليا اوليا
ولا تفكر في .. انت مابقتش ليا
قلبي منك تعب ما تقربش ليا
ماتقربش ليا
 

لا تبين زين

 ولا توشوش ودع
برضه مش هترجع

 قلب حب وانخدع
دانا كنت معاك طيب .. وانت معي مش جدع
 

عقد المحبه انفرط

 مين يقدر يلمه
وانت سرعك فلت

 مابقاش بقي يهمه
روح بقي دور .... علي حضن تاني ..ياخد قلبك يضمه

لا ينفع معايا دجل

 ولا ينفع معايا سحر
خلاص حان الاجل

 خلاص مل الصبر
اديتك مليون فرصه .... وجت بقي فرصتي .. اخلص بقي م المر

هربان م البشر

هربان م البشر ...
هربان م الحياه .
مغمي معمي البصر
وعقلي مني تاه
@@@@
عرفت ناس كتير
ناس جرحه فيا
دي نهاية المصير
الكل يجي عليا
والدنيا بتهدني .. بتشلني بتحطني
ولا حد خد بايديا .. لبر امان شدني
بدور علي نفسي
ولسه مش لاقيها
بنادي باعلا حسي
وكأني اخرس فيها

جراح بتجيب جراح
والحزن كمان بيزيد
مش عارف ارتاح
ومافيش برضه جديد
والدنيا بتهدني .. بتشلني بتحطني
ولا حد خد بايديا .. لبر امان شدني
المر انا شارب
وساكت وراضي
عمال آسي احارب
ومش فارقه عادي

حلم مصراوى

حلم مصراوى
بحلملك يا بلدى حلم جميل
حلم نفسى اشوفه فيكى
يروح بقى الليل الطويل
يموت بقى اللى مغميكى
وترجعى زى ما كنتى مأمنه
بجنوده ربى حاميكى
*****
نفسى الشمس تشرق فيوم
عليكى يا مصر يا معروفة
افطر والبس الهدوم
انزل فى شوارع مرصوفه
وعيال بتلعب فرحانه
مش خايفة من بلاعه مكشوفه
وترجعى ام الدنيا للعيان
دوا انتى ليه موصوفه
******
بحلم بقهاوى مقفوله
وشباب كله شغال
يبنى حياته بسهوله
تضحك فى عنيه الامال
وعقول ذكيه مسئوله
فى الشدة تبان رجال
****
بحلم اشوف كل بنت
فى طرحتها احلا عروسة
وزغاريت مالية المكان
وبايد عريسها محروسه
تبقى ام احلا ام
وتقول باى باى يا عنوسة
****
بحلم!
ومش كتير على حلمى
ان كل فقير يلاقى
بيت نضيف ولو صغير
ولقمة هنية مش بواقى
ويشوف اماله فى عياله
دكتور مهندس
مش معلق فى سواقى
*****
بحلم !
ولسه فى احلام بحلمها
لو ع الشمس بايدى اطولها
يلا سوى مع بعض نقولها
تعيش بلادى
وبلادى تعيش
ايد فى ايد نجملها
موضوع: حــــلم مصـــراوى   الثلاثاء ديسمبر 13, 2011 1:22 pm

كل حاجه معكساني

كل حاجه معكساني
اجيها يمين تجيني شمال
امشي خطوة ارجع تاني
واسأل نفسي مية سؤال
ليه يادنيا معنداني
ليه يا دنيا ظلماني
ليه دايما هاده الامال

للسما بطلع قوي
وبسرعه انزل قوي
والدمع يغرق خدودي
والحزن يقرب ويكتر
والجرح يزيد ويكبر
وتدبل كمان ورودي

انا عايش لكن ميت
الجاية زي اللي عدت
مش بتفرق كتير
قلبي بيبكي ومتكسر
عمال اخسر واخسر
مش لاقي ليه خير

 

ياختى عليه

ياختى عليه .. اللي ماكنش ليه
ولا يعرف حتي ايه .. يقول كلمتين
بقي واد مطقطق
بقي يقول وينطق
بجد انا مش مصدق
كنافين وبقينا فين

انا لازم ابخرو 

احسن يحسدوه
كام صوره اصوروا

 اصل مافيش اخوه
ده الواد ده

 اصلي اصلي اصلي
ده الواد ده

 ميه ميه ميه
وفي لحظه كدا اه خطفني
ولا كان بية ... ولا كان بيه

بقي يقول كلام 

في الحب والغرام
اسمعله باهتمام

 زي الحواديت
طلعني فوق فوق 

 زود فيا الشوق
مش عايز لحظه افوق
دانا دبت وحبيت

شد حيلك

ماتخليش حجاجة توقفك .. ده الميل بيبدأ بخطوة

تعبك شى يشرفك .... يلا ابدا اول خطوة

دى الغنوة ..

 بدايتها حرف علشان توصل للناس

والحب بيتحول فرح مع ان بدايته احساس

والشجرة .....

والشجرة بتشق طريقها

 فى الارض علشان تثمر

والسحابه بتمشى كتير

 علشان تيجى وتمطر

يعنى مافيش حاجة سهلة .......

بعزيمتنا ... نلون الاصفر للاخضر

شد حيلك اعمل بجد ... امسك فى الحبل وشد

كل شئ صعب فى اولو ... وحده وحده تكملوا

بالصبر راح تلاقى نفسك مالى مكانك اه بتسد 

9/7/2012

شريط ماسح

حياتي شريط ماسح

 عمال فيه اعيد
الجاي زي اللي رايح

  مافيش اي جديد
جديد .. جديد .. جديد
عمال اعافر اشد اشد
اضرب الموج يد بيد
والموج فيا عمال يهد
اتعب اتعلق بقشه
اشوف الامل اكمل
وابدأ تاني م الاول
بجد انا مش متحمل
اعيش بقي ايام وحشه

برسم علي وشي ضحكه
واعمل ماشي في السكه
مابقتش انا حمل تكه
بجد انا اروح فيها
ماشي مكمل مشواري
بكدب كمان عشان اداري
يا ليلي يا نهاري
يادنيا بقي فكيها · ·

الاسلااااااااااااااام

مين قالك تعمل كدا .. تقتل باسم الدين
ده برئ منك ربنا وبرئ منك رسول العالمين
 

الاسلااااااااااااااام
مش جلبية ودقن وبلطه
وصوره زيف كدب واونطه
الاسلام  دين سماحه
الاسلام  دين راحه
باقولها ليك وبصراحه
عمره ما كان فرض سلطه

الاسلاااااااااااااام
تعاليمو واضحه و متكامله
دين شامل دين معامله
ازاي تقتل بس نفس
متحرمه يا ريت تحس
فين الرحمه فين بس
هي دي حاجه سهله

الاسلااااااااااام
مش حكاية امر معروف
او ازاي انهي عن المنكر
الاسلام واضح معروف
انت مين تنهي و تؤمر
ده رسولنا الكريم
عمره ما كان غليظ القلب
كان طيب كان رحيم
اسس دولة اخاء وحب

3-7-2012

بغير عليكي

بغير عليكى ... علاء بدر
---------------------بغير عليكي
والنعمة بغير عليكي
من طلعة شمس النهار
لما تضرب في عنيكي
بغير عليكي
... ...
من قمر الليل 

لما نوره يدفيكي
بغير عليكي
من البحر لما يثور ويفور
وموجه يحضن فيكي
بغير عليكي
من نسمه هوا

 تداعب شجر ارضك
وقرصة برد تطويكي 

 من طولك لعرضك
نفسي احضنك

 مش حته منك
نفسي احضنك

 كلك علي بعضك
و مهما اكتب شعر فيكى

 مش هيكفيكي
بغير عليكي
*
بغير عليكي 

والنعمة بغير عليكى
لما أشوفك في بنت حلوة
شعرها اكتسي بليلك
في وشها سمار ارضك
في عفتها شرف عرضك
في ضحكتها صفا نيلك
بغير عليكي
لما اشوف قوتك 

 في سواعد شباب 

عمال تبني وتعلي
لا بتكل ولابتمل  

مهما عرق جيبنها

 من حرارة الشمس يغلي
 

بغير عليكي
ساعات
اغضب عليكي
ساعات اعاتب فيكي
ارحل واسافر
لكن احن ارجع ليكي
وبغير عليكي
علاء بدر

25/10/2011

اللعبة

ممنوعةٌ أنتي من حبي
ممنوعةٌ أنتي من عشقي
ممنوعةٌ من الوصول الي
لو تغرقين في البحار..
لن يبرد حرقي
 

أحبك وحبك زاد عن حده
  وأصبح واطيه فوقي
لوأجرحك مليون جرح
لو أقتلع منك شريان الفرح
لن أخذ حقي
لن تري منى تسامح
لقد تلاشت الملامح
انظرى الي هذا الفرقِ
 

أنتي اكذوبة عشتها
كنت ألعوبه تربطني
سلسله يتخللها طوقٍ
قولي وداعاً للعبه
قولي وداعاً اكذوبه
حديد لعبتك لم يعد للطرقٍ
لعبتك ستشكل نفسها
بطريقه لاجلها
تخطف الأبصار كالبرقٍ

كم عشت من قصص حب

كم عشت من قصص حب كم عشت من حكايات

كم ضحكت كم لعبت كم قابلت من فتايات

إلا أنتى .......

فقصتك غريبة مع قلبى الذى استقيظ من الممات

فانتى .. انتى

أنتى غيرهم فأنتى جمعتى فيكى كل الصفات

انتى .....

قلبتى حياتى رأسا على عقب

دمى من العروق ذهب وهرب

وحبك ينادى أقبل واقترب

أشد الرحال فى حبك اغترب

فى حبك أغترب

كم قلت ..

أن قلبى لن تملكة إمراة حتى لو من الملكات

فأنا أملك القلوب وأسيطر ببعض من الكلمات

وحين رأيت عينيكى غرقت فى بحر الظلمات

وأصبحت عشيقا لو غيبتى يوما يكسرنى السكات

انتى .....

قلبتى حياتى رأسا على عقب

دمى من العروق ذهب وهرب

وحبك ينادى أقبل واقترب

أشد الرحال فى حبك اغترب

فى حبك أغترب

بجد انا مش مصدق

بجد انا مش مصدق
ولا قادر انطق
اللي حبيته
وعشت العمر ليه
يعمل كدا فيا
يخدع يخون عنيا
ازاي طب هويته
ازاي اتصدم فيه
دانا كنت عشانو بضحي
بموت لو يوم شفته يدمع
وباقولها خلا ص بعلو الصوت
والدننا تشهد وتسمع
علي قد حبي سكوتي غرامي
قد الجرح اللي بيوجع
انا لازم اخونواغدر وابيع

 اخر كلامي
اجرح واخدع

ازاي طيب انسي
ابعد حتي اسي
وصورته قدامي
بشوفها في الوشوش
جرحه سايب عذاب
وحلم كان سراب
ازاي ابدأ بدايه
فيها ما أشوفوش

غريبة انتي في الطباع

غريبة أنتي في الطباع
غريبة أنتي ..
في الصد والرد والإمتناع
الحب اشتكي
والقلب بكي
حتي الوداع
غريبة أنتي في الطباع

حبك يقودني إلي الضياع
ولا ينفع في الهوي أي دفاع
ماذا تريدي ؟
أفهميني ؟
لما تحبي الإندفاع؟

إن كان في داخلك شئ
قولي قولي
فأنا أهوي الاستماع
إن كان جرحى يريحك
فأنا مجروح
والدم ينزف مني دون انقطاع
 

يا شرسة الملامح
ياطير قاسي وجارح
دائما تذهبي دون اقتناع
تأخذي كما يقولوا
( وجه القفص)
وتتركي الباقي في القاع
أيريحك ان اذهب
أيريحك ان ابعد
قولي قولي
فأنا مستعد هادي الطباع

عايزني اريحك

عايزني اريحك
واقولك نتفارق
اهو بريحك
خلاص ماعادتش فارق
خلصت الحكاية
وصلنا للنهاية
احنا ف اخر الطريق
مين كان اناني
ومين ع التاني جاني
ومين كان بيخدع
ومين كان برئ
خلاص ماعدش يفيد
مهما نقول ونعيد
جوانا الحب مات
لا ينفع رجوع
ولا تفيد دموع
ولا هتصحي الزكريات

عايزني اريحك
واقولك نتفارق
اهو بريحك
خلاص ماعدتش فارق
ياما بكت العيون
كنت عليك بهون
ولا فرقت يوم معاك
ياما سامحتك
ولا يوم جرحتك
وكنت بداوي جرحك
وادي اخرة هواك
امش بقي سيبني
بلاش تاني تعذبني
فقت م الي انا فيه
غلطه خلاص وعدت
كل الطرق اتسدت
قلبي مالكش فيه

زيدي وصلي

زيدي وصلي اجعليني
بين الرجال أميرا
زيدي وصلي انثريني
زهورا وعبيرا

أنشودة عشقي لكي
محبوبتي ..
فحين أقول أحبك
فإنني أحبك كثيرا
وأعزف في الحب لحنا
هادئا ..
كلما اقتربتي مني
يجعلني أسيرا

زيدي وصلي اجعليني
بين الرجل اميرا
زيدي وصلي انثريني
زهورا وعبيرا

كيف اعيش الحياة
بدونك...
فبدونك حبيبتي
أشرب أنا المريرا
أهواك يا دنيتى
أهواك يا صغيرتي
اهواك يا من ملأتي
حياتي فرحا وسرورا

بتلف الدنيا بيا

بتلف الدنيا بيا
ولفين لفين وخداني
بجد قاسية عليا
ولا يوم مفرحاني
ولا حاسه باللي فيا
بتزيد بس احزاني
 

اه من دنيا عذاب
اه فرقت احباب
اه امل كداب
اه بتعيشوا ناس
اه فرحها دمع
اه رزعاني رزع
اه وزي الشمع
اه انفطر الاحساس

دنيا الجراح والالم
دنيا الحزن والندم
دنيا الزيف والخداع
جرح فيها بيجيب جرح
عمره مادق الباب فرح
اللي تحبه اخره وداع

اه من دنيا عذاب
اه فرقت احباب
اه امل كداب
اه بتعيشوا ناس
اه فرحها دمع
اه رزعاني رزع
اه وزي الشمع
اه انفطر الاحساس

كفانا .. صنع المحبه

كفانا .. صنع المحبه
فكيف المحبه
في القلب تصنع
كفانا ..
عذابا .. جراحا
فالقلب من الآهات يدمَع

نمثل الحب علي بعض
ونرسم علي الشفاه
ضحكة حزينة
ونوهم الناس اننا
في الحب نعيش
حياة رزينة
لكننا نعيش نار
تأكل حاضرنا
وتشطب ماضينا

لو حكينا
ما نحن فيه من عذاب
تقشعر منه الجلود
لو اقسمنا
اننا في الحب ذوبنا
فالحب لم يعد موجود
لم يعد 

يجمعنا طريق
فالطريق بيننا اصبح مسدود

سياسه متاهه

سياسه متاهه دماغي باظت
حاجه عاهه هاصت زاطت
واحد تعب جابها شواها
والتاني سهله فى بطنه رماها
حاجه واضحه الناس شايفاها
ساكتين ليه؟
 

لسه الذل وعيشه تقل
راضي ليه بحياه تمل
غاوي مر طب اشرب كل
اخرتها ايه؟
 

يا اخي قوم من مكانك
خلي عندك كرامه
لاجل ولادك مش عشانك
  عش يوم بشهامه
عاجبك يعني كدا
تفضل مرمي بين القمامه
مغمض ليه
 

شباب زي الورد كانوا
ضحوا .. ضحوا وراحو
هتفوا ونادوا بالحريه
والتاني واقف بسلاحو
يضرب فيهم و يقتلهم
بدمهم الوطن داوو جراحو
مش حاسس ليه
مش حاسس ليه

اشكال والوان

قالتلى يا وليدى مالك تعبان

سارح كدا واخدك ليه الزمان

قلتلها يا يُمة اللى بحبه قاسى

هاجرنى بعيدعنى اه وناسى

قالتلى سيبك منه يا وليدى

دى البنات اشكال والوان

ليه بتتخلق علينا ياااااااه

دانت اللى من دونهم كدا بنهواه

قولى طب قلبك ده مين قساه

والا لغيرنا خلاص بقيت بتميل

يا ما قلت فى حبنا معاك حكايات

زى قصص السيما زى الروايات

وادى القمر يشهد على اللى فات

والا انت بتتقل علينا يا جميل

خد بالك الطبع ده بيغلب

وانا ممكن عليك  فى ثانية اقلب

بس مش طبعى على غيرى انا العب

معلش بقى الصبر حلو جميل

مش هعد ايام ولا فبعدك هاحسب

مسيرك تيجى يوم بعد ما تتعب

يمكن عليا تهون يمكن عليا تصعب

ويمكن اكون لاقيت غيرك بديل

انا مش قدك

انا مش قدك 

ولا قدالورد اللى فى خدك

ولا قدعنيكى السود

ولا قد الشعر المفرود

ولا قد الخصر والعود 

الى بيرقص وبيميل

فى عنيكى دول انا بحار

واخدانى كدا  ليل ونهار

وباقول يا رب يا ستار

ولا غيرك مرسى  ودليل

انتى اللى انا عشانها باعيش

وبعدك يا حبيبتى ماليش

لو رحتى يوم ماتجيش

ده نهارى  بيبقى ليل

انا مش قدك 

ولا قدالورد اللى فى خدك

 ولا قدعنيكى السود

ولا قد الشعر المفرود

ولا قد الخصر والعود 

الى بيرقص وبيميل

قطر الحياة

في قطر الحياة

 اللي مش فاخر
ناس كتير متجمعين

جنب بعض مرصوصين
في قطر الحياه 

اللي شباكو متكسر
حاسين بالدفأ 

رغم انهم م البرد مرصرصين

رغم حزنهم 

الضحكة ماليه وشوشهم
صافي قلبهم م الطيبه تعرفهم
مايهمهمش سياسه

 والا انت وصلت فين
همهم ازاي يلاقو قوت يومهم
 

في قطر الحياه
في قطر الحياه
ست عجوزه بتنادي وبتقول
مين يساعدني
اشوف ايدين رغم الضيقه
منظر بيسعدني
تتمد جوه الجيب تتطلع
اللي فيه النصيب يارب قدرني
 

في قطر الحياه
في قطر الحياه
شاب كان مسافر لبلاد الله
شايل حمل

 امه واخواته عقله تاه
بس رغم احزانه

 احلا حاجه
سايبها علي الله
 

في قطر الحياه
في قطر الحياه
ام بتبكي

 وتقول حق ولادي الصغار
خدوه ناس ظلمه قلبهم جبار
ورغم دموعها بتنادي حسبي
ربي الواحد .. الواحد القهار
 

في قطر الحياه
في قطر الحياه
قصص وحكايات

 ودموع واحزان
عذاب ونار وظلم ونسيان
 

في قطر الحياه
في قطر الحياه
ناس بتحس ناس

 وناس كارهه ناس
ناس طيبه وناس حنينة

 وناس كلها احساس
في قطر الحياه
في قطر الحياه
ناس بتتولد وناس بتتجلد
وناس بتفارق

 بسهوله الحياه
في قطر الحياه

مجرد حنين

مجرد حنين
بياخدني ليك
دي فاتت سنين
ماشفتش عنيك
يمكن فاضل
حبة حب فقلبي ليك
بس مليو ن حاجه فيا
مش باقية عليك
مانا كنت زمان جانبك
وانت ضيعتني من ايديك


متحاولش
ماتستغربش
من تغيير اشواقي
ماتفكرنيش باللي فات
ماتقولش حبك لسه باقي
دي فاتت سنيندي فاتت سنين
دي فاتت سنين
دى فاتت سنين
ماشفتش عنيك

يا زرع الغيطان

يا... زرع الغيطان .... يا... قلة الراعى

يامين يجيبلى حبيبى .... اخدو على دراعى

يا.. قمرالليل

 ياللى بتسمع الكلام

فى بعده شفت الويل 
   بلغو مليون سلام

يا..  بحر البحور 

فى عشقه هايم مسحور

راح فين بدرالبدور

ازاى ينسى الغرام

ياريحين يا جايين .. لو فيوم قابلتوه
قولولو راح فين الحنين .. لو قدرتو كمان هاتوه

حبيب قلبى يا ناسيني
ارجع بقي فرح عيني
ميته يا غالي تاني تجيني
اللى بتعملو ده حرام

غيرتي قلبي فيا

غيرتي قلبي فيا
ماليتي ..
حياتي والدنيا ديا
بعدك مش هاتشوف عنيا
وتشوف ليه
 

دانتي لو غيبتي عني
روحي ..
دايما بتهرب مني
بتروح ليكي وجوه حضني
عايشه فيه

حلمت بيكي ...
ومستنيكي انا من زمان
وبشوف معاكي
في هواكي الحنان
جوايا ليكي مكان
انا بهواكي ..
ويوم لؤاكي بيفرق كتير
دانا بحبك وحبك كبير
دايب قلبي اسير

قلبي بيحلم بيها
كلمه...
بس انتي قوليها
راح يرتاح ايوه بيها
ساكته ليه
خلاص كل حاجه
باينة ...
حبيبي مش محتاجه
طب ليه تخبي كل حاجه
طب فيها ايه

الميكروباص

شافووه جاي من بعيد شـــــــــــــاوروو ليه
فتحوا البيبان بايدهم  عشـــــــان يركبه فيه
 

قالهم انا بلدي مصر   وماليش فيها محطات
اختاروا انتو محطه        وصحوا اللي مات
 

قالوا مــــــــــعاك ع    التحرير احنا رايحين
شهــــــــــــــدا وثوار     لونموت بالملايين
 

نزلوا التـــــــــحرير       يهتفواقالوا تغيير
حاوطوهم الكلاب     بدورو فوقهم مسامير
 

تمنتاشر يـــــــوم    علــــــــي دا الــــحال
اللي مات واللي اتصاب واللي قال موال
 

رحل النظام وقلنا ارتحنا وركب اللي عاش
وتعدي ايام واللي مات لسه حقه ماجاش
 

ميكروباص بيروح       وبيرجع كل ايام
يضرب كلاكسات      ومين يسمعله كلام
 

واهو راح الميكروباص وركبوه ناس تانين
ماهمهوش شعب كان مطحون من سنين  

همهم كرسي بس عليه يفضلوا راكبين
 

اعتب عليك يا ميكروباص والا اعتب علينا
ما احنا يا ميكروباص ضيعناك من ايدينا

ملكة زماني

رفقا بي اميرتي ...... يا ملكة زماني
يا حلو دنيتي ...... من تطرد احزاني
يا ختام قصتي ....... وعنواني ومكاني
رفقا بي اميرتي ...... رفقا بي اميرتي
فحبك كالاعصار .......... يجتاح كياني

رفقا بي معذبتي ....... كم انا مشتاق
تعالي يا مهلمتي ....... تقتلني الاشواق
كفاك بعدا عني .......... ملني الفراق
فعودي لي حبيبتي ....... عودي لي حبيبتي
لا اطيق انتظارا ...... قلبي في اختناق

اه لو تعلمي ....... كم ارسل عتابات
واخاطب القمر ....... بأشد الكلمات
واشكي للسماء ...... واحكي للنجمات
كم احن الي رؤياكي.. للحظه من هواكي
للضحكات والنظرات ... للاحضان واللمسات

اهواكي .. اهواكي

أهواكي .. أهواكي
نعم أنا أهواكي
أقولها بكل اللغات
أهواكي .. أهواكي
وعمري بين يديكي
حتي الممات
 

حبيبتي .. صغيرتي
عشيقتي .. يا ملاك
انتي .. انتي
جمعتيني من الفتات
وصنعتي مني في الحب
ملكا .. بجواره تجلس
أجمل الملكات

 وجعلتي الورود ترقص

علي انغام الضحكات
وجملتي الغروب بصفاء
عينيكي واضأتي النجمات
وجعلتي القمر
يكف عن الدوران
في وجهك اخذ وضع الثبات
 

اه والف اه منك يا حسناء
في وصفك تتوه مني الكلمات
اه من حبك من عشقك
ويلي انا 

مجنـــــــــون

 بتلك النظرات
تأخذني وتطويني
وتحضنني وتغطيني
وتسمعني الاهات
اه.. اه .. اه .. اه
منك يا عمري فأنا
بدونك في طي الذكريات

مازنجـــــــــــــر

عايزين زعيم زي مازنجر
او حتي زي سلاحف النينجا
قادر وعارف ومفكر

 ربان سفينة المنجي
 

عايزين زعيم اسطوره
مالوش ع الحيطه صوره
بالعربي زعيم داير
من وسط شعب ثاير
 

ابن الشعب وللشعب
قلبه مليان حب
 

ايوه عايزين زعيم شجاع
ماتقولش باتمان
يرجع اللي ضاع
زي سوبر مان
 

بالعربي زعيم بطل
زي صلاح الدين يكبر
وزي بن العاص مسيطر
وزي الفاروق في عدله
المايل قادر علي عدله
مايكونش اه خسيس
ملاك لكن ابليس
مليان بالاحاسيس
يحس بالغلبان والفقير
بالناس الواقفه طوابير
مايفرقش ده ابن باشا
وده ابن غفير
 

محتاجين زعيم
قلبه ابيض سليم
شرع الله دستوره
والكل في دوره
الحق في ميزانه
دايما واخد مكانه 

يخدم الجميع

الصدق عنوانه

خليته ايه لفرعون

 

خليته ايه
لفرعون 

اللي قال
ايام زمان انا اله
خليته ايه
للمنافق

 اللي بيبكي
وبيضحك من جواه
خليته ايه
لقوم عاد

 او قوم هود
او قوم صالح
دم شهيد ليه يضيع
ليه تحكم المصالح
وام بتبكي علي ابنها
وتقولو بتعملوا الصالح
 

الشعب برئ
الشعب برئ
من اللي انته فيه
اتغريته في زهو كرسي
زهو سلطان
وانا مهما 

اقول واعلي حسي
ايه اللي في الامكان
هاقول وانادي

 حسبي ربي
علي كل خاين جبان
 

كلها ايام
كلها ايام
العدل 

راح يرجع زمانه
من تاني يسيطر
واشوف صلاح

 ماسك سيفه
علي حصانه بيكبر
وحكمة سيدنا يوسف
لما بيقول ويقدر

انتي وهوه

انتي وهوه
جاية معاه عايزه مني ايه
جاية تتشفي فيا
والا بتوريني ايه
صدقيني
دانا اكبر م اللي انته فيه
جاية وفاكره هتكسريني
بالعكس دانتي خسرتيني
كنت فاكره هتزليني
حبك انا دوست عليه
جبك كان مجرد وهم
او دخان او سراب
جان جوايا اكبر هم
كان فين عقلي غاب

صدقني قلبي اكبر
من انه تاني يفكر
لو حته ثانية فيك
مش هاقول تاني وكتر
يلا ياللي فيا انتهيت
مش باقيلك حاجه فيا
انت مجرد كابوس وصحيت
منه خلصت التمثيلية

ناداني

ناداني وخدني ليه
وشدني بعنيه
ملكني باحساسي
حبيت اخلص ليه
وعشت العمر ليه
عشته باحساسي
واتاريه ...
اتاريه بيلعب يتسلا
دموعي عنده اه سهلة
مايهمهوش يجرحني
يخدعني يودعني
اوحتي يبيعني

قلتها وباقولها كتير
لما اديتك حب كبير
كان فين عقلي ساعتها
غلطت وكان غلطي كبير
بس ليه اندم ليه
مش فارقه اخرتها ايه
ايوه لازم انسي
ايوم لازم آسي

ماعدتش شي ابكي عليه

من غير سبب

من غير سبب بتقرري
انك عني تبعدي
طب قولي اه برري
ليه عايزة تبعدي
لو كدبت عليكي قولي
لو جرحت فيكي قولي
ماتسيبنيش كدا وتبعدي

عرفت قبلك ياما كتير
ولا حصل فيا تغيير
بس انتي غيرتيني
شفت فيكي حلم بكره
مش عايزك تكوني ذكري
بعد ما انتي خلتيني
انسان جديد
بيكي سعيد
فرحان اوي بضحكتك
لما بتكلميني

ابعدي بس مش هسامحك
ازاي تغيب عني ملامحك
ياللي ملكتيني
انتي اجمل شئ حصلي
ياريت قلبك يقوللي
ليه بتعذبيني
قولي بقي
قولي بقي
لو حتي كلمه وحده
بيها تريحيني