عايزني اريحك

عايزني اريحك
واقولك نتفارق
اهو بريحك
خلاص ماعادتش فارق
خلصت الحكاية
وصلنا للنهاية
احنا ف اخر الطريق
مين كان اناني
ومين ع التاني جاني
ومين كان بيخدع
ومين كان برئ
خلاص ماعدش يفيد
مهما نقول ونعيد
جوانا الحب مات
لا ينفع رجوع
ولا تفيد دموع
ولا هتصحي الزكريات

عايزني اريحك
واقولك نتفارق
اهو بريحك
خلاص ماعدتش فارق
ياما بكت العيون
كنت عليك بهون
ولا فرقت يوم معاك
ياما سامحتك
ولا يوم جرحتك
وكنت بداوي جرحك
وادي اخرة هواك
امش بقي سيبني
بلاش تاني تعذبني
فقت م الي انا فيه
غلطه خلاص وعدت
كل الطرق اتسدت
قلبي مالكش فيه

زيدي وصلي

زيدي وصلي اجعليني
بين الرجال أميرا
زيدي وصلي انثريني
زهورا وعبيرا

أنشودة عشقي لكي
محبوبتي ..
فحين أقول أحبك
فإنني أحبك كثيرا
وأعزف في الحب لحنا
هادئا ..
كلما اقتربتي مني
يجعلني أسيرا

زيدي وصلي اجعليني
بين الرجل اميرا
زيدي وصلي انثريني
زهورا وعبيرا

كيف اعيش الحياة
بدونك...
فبدونك حبيبتي
أشرب أنا المريرا
أهواك يا دنيتى
أهواك يا صغيرتي
اهواك يا من ملأتي
حياتي فرحا وسرورا

بتلف الدنيا بيا

بتلف الدنيا بيا
ولفين لفين وخداني
بجد قاسية عليا
ولا يوم مفرحاني
ولا حاسه باللي فيا
بتزيد بس احزاني
 

اه من دنيا عذاب
اه فرقت احباب
اه امل كداب
اه بتعيشوا ناس
اه فرحها دمع
اه رزعاني رزع
اه وزي الشمع
اه انفطر الاحساس

دنيا الجراح والالم
دنيا الحزن والندم
دنيا الزيف والخداع
جرح فيها بيجيب جرح
عمره مادق الباب فرح
اللي تحبه اخره وداع

اه من دنيا عذاب
اه فرقت احباب
اه امل كداب
اه بتعيشوا ناس
اه فرحها دمع
اه رزعاني رزع
اه وزي الشمع
اه انفطر الاحساس

كفانا .. صنع المحبه

كفانا .. صنع المحبه
فكيف المحبه
في القلب تصنع
كفانا ..
عذابا .. جراحا
فالقلب من الآهات يدمَع

نمثل الحب علي بعض
ونرسم علي الشفاه
ضحكة حزينة
ونوهم الناس اننا
في الحب نعيش
حياة رزينة
لكننا نعيش نار
تأكل حاضرنا
وتشطب ماضينا

لو حكينا
ما نحن فيه من عذاب
تقشعر منه الجلود
لو اقسمنا
اننا في الحب ذوبنا
فالحب لم يعد موجود
لم يعد 

يجمعنا طريق
فالطريق بيننا اصبح مسدود

سياسه متاهه

سياسه متاهه دماغي باظت
حاجه عاهه هاصت زاطت
واحد تعب جابها شواها
والتاني سهله فى بطنه رماها
حاجه واضحه الناس شايفاها
ساكتين ليه؟
 

لسه الذل وعيشه تقل
راضي ليه بحياه تمل
غاوي مر طب اشرب كل
اخرتها ايه؟
 

يا اخي قوم من مكانك
خلي عندك كرامه
لاجل ولادك مش عشانك
  عش يوم بشهامه
عاجبك يعني كدا
تفضل مرمي بين القمامه
مغمض ليه
 

شباب زي الورد كانوا
ضحوا .. ضحوا وراحو
هتفوا ونادوا بالحريه
والتاني واقف بسلاحو
يضرب فيهم و يقتلهم
بدمهم الوطن داوو جراحو
مش حاسس ليه
مش حاسس ليه

اشكال والوان

قالتلى يا وليدى مالك تعبان

سارح كدا واخدك ليه الزمان

قلتلها يا يُمة اللى بحبه قاسى

هاجرنى بعيدعنى اه وناسى

قالتلى سيبك منه يا وليدى

دى البنات اشكال والوان

ليه بتتخلق علينا ياااااااه

دانت اللى من دونهم كدا بنهواه

قولى طب قلبك ده مين قساه

والا لغيرنا خلاص بقيت بتميل

يا ما قلت فى حبنا معاك حكايات

زى قصص السيما زى الروايات

وادى القمر يشهد على اللى فات

والا انت بتتقل علينا يا جميل

خد بالك الطبع ده بيغلب

وانا ممكن عليك  فى ثانية اقلب

بس مش طبعى على غيرى انا العب

معلش بقى الصبر حلو جميل

مش هعد ايام ولا فبعدك هاحسب

مسيرك تيجى يوم بعد ما تتعب

يمكن عليا تهون يمكن عليا تصعب

ويمكن اكون لاقيت غيرك بديل

انا مش قدك

انا مش قدك 

ولا قدالورد اللى فى خدك

ولا قدعنيكى السود

ولا قد الشعر المفرود

ولا قد الخصر والعود 

الى بيرقص وبيميل

فى عنيكى دول انا بحار

واخدانى كدا  ليل ونهار

وباقول يا رب يا ستار

ولا غيرك مرسى  ودليل

انتى اللى انا عشانها باعيش

وبعدك يا حبيبتى ماليش

لو رحتى يوم ماتجيش

ده نهارى  بيبقى ليل

انا مش قدك 

ولا قدالورد اللى فى خدك

 ولا قدعنيكى السود

ولا قد الشعر المفرود

ولا قد الخصر والعود 

الى بيرقص وبيميل

قطر الحياة

في قطر الحياة

 اللي مش فاخر
ناس كتير متجمعين

جنب بعض مرصوصين
في قطر الحياه 

اللي شباكو متكسر
حاسين بالدفأ 

رغم انهم م البرد مرصرصين

رغم حزنهم 

الضحكة ماليه وشوشهم
صافي قلبهم م الطيبه تعرفهم
مايهمهمش سياسه

 والا انت وصلت فين
همهم ازاي يلاقو قوت يومهم
 

في قطر الحياه
في قطر الحياه
ست عجوزه بتنادي وبتقول
مين يساعدني
اشوف ايدين رغم الضيقه
منظر بيسعدني
تتمد جوه الجيب تتطلع
اللي فيه النصيب يارب قدرني
 

في قطر الحياه
في قطر الحياه
شاب كان مسافر لبلاد الله
شايل حمل

 امه واخواته عقله تاه
بس رغم احزانه

 احلا حاجه
سايبها علي الله
 

في قطر الحياه
في قطر الحياه
ام بتبكي

 وتقول حق ولادي الصغار
خدوه ناس ظلمه قلبهم جبار
ورغم دموعها بتنادي حسبي
ربي الواحد .. الواحد القهار
 

في قطر الحياه
في قطر الحياه
قصص وحكايات

 ودموع واحزان
عذاب ونار وظلم ونسيان
 

في قطر الحياه
في قطر الحياه
ناس بتحس ناس

 وناس كارهه ناس
ناس طيبه وناس حنينة

 وناس كلها احساس
في قطر الحياه
في قطر الحياه
ناس بتتولد وناس بتتجلد
وناس بتفارق

 بسهوله الحياه
في قطر الحياه

مجرد حنين

مجرد حنين
بياخدني ليك
دي فاتت سنين
ماشفتش عنيك
يمكن فاضل
حبة حب فقلبي ليك
بس مليو ن حاجه فيا
مش باقية عليك
مانا كنت زمان جانبك
وانت ضيعتني من ايديك


متحاولش
ماتستغربش
من تغيير اشواقي
ماتفكرنيش باللي فات
ماتقولش حبك لسه باقي
دي فاتت سنيندي فاتت سنين
دي فاتت سنين
دى فاتت سنين
ماشفتش عنيك

يا زرع الغيطان

يا... زرع الغيطان .... يا... قلة الراعى

يامين يجيبلى حبيبى .... اخدو على دراعى

يا.. قمرالليل

 ياللى بتسمع الكلام

فى بعده شفت الويل 
   بلغو مليون سلام

يا..  بحر البحور 

فى عشقه هايم مسحور

راح فين بدرالبدور

ازاى ينسى الغرام

ياريحين يا جايين .. لو فيوم قابلتوه
قولولو راح فين الحنين .. لو قدرتو كمان هاتوه

حبيب قلبى يا ناسيني
ارجع بقي فرح عيني
ميته يا غالي تاني تجيني
اللى بتعملو ده حرام

غيرتي قلبي فيا

غيرتي قلبي فيا
ماليتي ..
حياتي والدنيا ديا
بعدك مش هاتشوف عنيا
وتشوف ليه
 

دانتي لو غيبتي عني
روحي ..
دايما بتهرب مني
بتروح ليكي وجوه حضني
عايشه فيه

حلمت بيكي ...
ومستنيكي انا من زمان
وبشوف معاكي
في هواكي الحنان
جوايا ليكي مكان
انا بهواكي ..
ويوم لؤاكي بيفرق كتير
دانا بحبك وحبك كبير
دايب قلبي اسير

قلبي بيحلم بيها
كلمه...
بس انتي قوليها
راح يرتاح ايوه بيها
ساكته ليه
خلاص كل حاجه
باينة ...
حبيبي مش محتاجه
طب ليه تخبي كل حاجه
طب فيها ايه

الميكروباص

شافووه جاي من بعيد شـــــــــــــاوروو ليه
فتحوا البيبان بايدهم  عشـــــــان يركبه فيه
 

قالهم انا بلدي مصر   وماليش فيها محطات
اختاروا انتو محطه        وصحوا اللي مات
 

قالوا مــــــــــعاك ع    التحرير احنا رايحين
شهــــــــــــــدا وثوار     لونموت بالملايين
 

نزلوا التـــــــــحرير       يهتفواقالوا تغيير
حاوطوهم الكلاب     بدورو فوقهم مسامير
 

تمنتاشر يـــــــوم    علــــــــي دا الــــحال
اللي مات واللي اتصاب واللي قال موال
 

رحل النظام وقلنا ارتحنا وركب اللي عاش
وتعدي ايام واللي مات لسه حقه ماجاش
 

ميكروباص بيروح       وبيرجع كل ايام
يضرب كلاكسات      ومين يسمعله كلام
 

واهو راح الميكروباص وركبوه ناس تانين
ماهمهوش شعب كان مطحون من سنين  

همهم كرسي بس عليه يفضلوا راكبين
 

اعتب عليك يا ميكروباص والا اعتب علينا
ما احنا يا ميكروباص ضيعناك من ايدينا

ملكة زماني

رفقا بي اميرتي ...... يا ملكة زماني
يا حلو دنيتي ...... من تطرد احزاني
يا ختام قصتي ....... وعنواني ومكاني
رفقا بي اميرتي ...... رفقا بي اميرتي
فحبك كالاعصار .......... يجتاح كياني

رفقا بي معذبتي ....... كم انا مشتاق
تعالي يا مهلمتي ....... تقتلني الاشواق
كفاك بعدا عني .......... ملني الفراق
فعودي لي حبيبتي ....... عودي لي حبيبتي
لا اطيق انتظارا ...... قلبي في اختناق

اه لو تعلمي ....... كم ارسل عتابات
واخاطب القمر ....... بأشد الكلمات
واشكي للسماء ...... واحكي للنجمات
كم احن الي رؤياكي.. للحظه من هواكي
للضحكات والنظرات ... للاحضان واللمسات

اهواكي .. اهواكي

أهواكي .. أهواكي
نعم أنا أهواكي
أقولها بكل اللغات
أهواكي .. أهواكي
وعمري بين يديكي
حتي الممات
 

حبيبتي .. صغيرتي
عشيقتي .. يا ملاك
انتي .. انتي
جمعتيني من الفتات
وصنعتي مني في الحب
ملكا .. بجواره تجلس
أجمل الملكات

 وجعلتي الورود ترقص

علي انغام الضحكات
وجملتي الغروب بصفاء
عينيكي واضأتي النجمات
وجعلتي القمر
يكف عن الدوران
في وجهك اخذ وضع الثبات
 

اه والف اه منك يا حسناء
في وصفك تتوه مني الكلمات
اه من حبك من عشقك
ويلي انا 

مجنـــــــــون

 بتلك النظرات
تأخذني وتطويني
وتحضنني وتغطيني
وتسمعني الاهات
اه.. اه .. اه .. اه
منك يا عمري فأنا
بدونك في طي الذكريات

مازنجـــــــــــــر

عايزين زعيم زي مازنجر
او حتي زي سلاحف النينجا
قادر وعارف ومفكر

 ربان سفينة المنجي
 

عايزين زعيم اسطوره
مالوش ع الحيطه صوره
بالعربي زعيم داير
من وسط شعب ثاير
 

ابن الشعب وللشعب
قلبه مليان حب
 

ايوه عايزين زعيم شجاع
ماتقولش باتمان
يرجع اللي ضاع
زي سوبر مان
 

بالعربي زعيم بطل
زي صلاح الدين يكبر
وزي بن العاص مسيطر
وزي الفاروق في عدله
المايل قادر علي عدله
مايكونش اه خسيس
ملاك لكن ابليس
مليان بالاحاسيس
يحس بالغلبان والفقير
بالناس الواقفه طوابير
مايفرقش ده ابن باشا
وده ابن غفير
 

محتاجين زعيم
قلبه ابيض سليم
شرع الله دستوره
والكل في دوره
الحق في ميزانه
دايما واخد مكانه 

يخدم الجميع

الصدق عنوانه

خليته ايه لفرعون

 

خليته ايه
لفرعون 

اللي قال
ايام زمان انا اله
خليته ايه
للمنافق

 اللي بيبكي
وبيضحك من جواه
خليته ايه
لقوم عاد

 او قوم هود
او قوم صالح
دم شهيد ليه يضيع
ليه تحكم المصالح
وام بتبكي علي ابنها
وتقولو بتعملوا الصالح
 

الشعب برئ
الشعب برئ
من اللي انته فيه
اتغريته في زهو كرسي
زهو سلطان
وانا مهما 

اقول واعلي حسي
ايه اللي في الامكان
هاقول وانادي

 حسبي ربي
علي كل خاين جبان
 

كلها ايام
كلها ايام
العدل 

راح يرجع زمانه
من تاني يسيطر
واشوف صلاح

 ماسك سيفه
علي حصانه بيكبر
وحكمة سيدنا يوسف
لما بيقول ويقدر

انتي وهوه

انتي وهوه
جاية معاه عايزه مني ايه
جاية تتشفي فيا
والا بتوريني ايه
صدقيني
دانا اكبر م اللي انته فيه
جاية وفاكره هتكسريني
بالعكس دانتي خسرتيني
كنت فاكره هتزليني
حبك انا دوست عليه
جبك كان مجرد وهم
او دخان او سراب
جان جوايا اكبر هم
كان فين عقلي غاب

صدقني قلبي اكبر
من انه تاني يفكر
لو حته ثانية فيك
مش هاقول تاني وكتر
يلا ياللي فيا انتهيت
مش باقيلك حاجه فيا
انت مجرد كابوس وصحيت
منه خلصت التمثيلية

ناداني

ناداني وخدني ليه
وشدني بعنيه
ملكني باحساسي
حبيت اخلص ليه
وعشت العمر ليه
عشته باحساسي
واتاريه ...
اتاريه بيلعب يتسلا
دموعي عنده اه سهلة
مايهمهوش يجرحني
يخدعني يودعني
اوحتي يبيعني

قلتها وباقولها كتير
لما اديتك حب كبير
كان فين عقلي ساعتها
غلطت وكان غلطي كبير
بس ليه اندم ليه
مش فارقه اخرتها ايه
ايوه لازم انسي
ايوم لازم آسي

ماعدتش شي ابكي عليه

من غير سبب

من غير سبب بتقرري
انك عني تبعدي
طب قولي اه برري
ليه عايزة تبعدي
لو كدبت عليكي قولي
لو جرحت فيكي قولي
ماتسيبنيش كدا وتبعدي

عرفت قبلك ياما كتير
ولا حصل فيا تغيير
بس انتي غيرتيني
شفت فيكي حلم بكره
مش عايزك تكوني ذكري
بعد ما انتي خلتيني
انسان جديد
بيكي سعيد
فرحان اوي بضحكتك
لما بتكلميني

ابعدي بس مش هسامحك
ازاي تغيب عني ملامحك
ياللي ملكتيني
انتي اجمل شئ حصلي
ياريت قلبك يقوللي
ليه بتعذبيني
قولي بقي
قولي بقي
لو حتي كلمه وحده
بيها تريحيني

ماتقفلش معاي

1. 
   
   

   ماتقفلش معاي
   واسمع الكلام
   ماتمشيش وراي
   وامشي قدام
   ركز بس انت وافهم
   واعمل اللي في ضميرك
   ماتغمضش بس احلم
   اوعي يشل حد تفكيرك
   خليك نفسك
   اوعي يأسك
   يتمكن يوم منك
   ارم الحزن من حضنك
   قول يارب راح تفرج
   في الحديد تمشي تسلك
   خليك شجاع
   اوعي تغير رأيك
   وعيش فكره
   راسمهالك عقلك
   بس اسمع

    وجهات النظر
   حلل 

   واعرف فين الخطر
   حاول دايما

    تكون نفسك
   واعمل كل 

   اللي في نفسك
   كون شخص عادي

    بس جرئ
   اعرف بس فين

    هوا الطريق
   حاول دايما

    تطفي الحريق
   حتي لو ف البحر

    كون ربان
   بحار اعصار

    اوعي تكون غريق

الفرح

فى يوم كنـــــــــت فى فــــرح

 وشفت فتاه عدت قبالى

خـــدت قلبــــــــــى معااها

 واتعلــــق بـــــها فى الحالِ

ولم اخذ مــــع نفسى هدنة

 و بدأت عنـــــها بالسؤالِ

وعرفت انها بنت جامعية

 ورسمت فى حبها امالى

وقصصت قصتى لاصدقائى 

قالوا نعم البنت فريحوا بالى

وذهبت سريعا الى ابى وامى

 وحكــــــــــيت لهم ماجرالى

وكان رد امى وابى هلم يا ولدى

 نريد الفــــــــرح وراحة البالِ

وسررت جدا عندما عرفت

 ان اباها معرفة وانه لن يغالى

فقلت مــــــادام كل شئ جاهز

 لابد من الذهـــــــاب طوالى

حيث انى اريــــــد الاستقرار

 وكفا عبثا وشـــــــغل عيالِ

فاخذت نفســــــى الى داره

 وبدون مقدمـــــــات طوالِ

قابلت اباهــــا وقلت ياعم

 انى اريد ابنتك فى الحلالى

وانى جاهــــــــز لمهرها

 وان كان المــــــهر غالى

ولكن ضع فى بالك الرحمة

 وكن رؤوفاً بحــــــــــالى

قال ماذا تفـــــــــعل بعد ان

 اخذت شهادة التعليم العالى

قلت له انى سافرت الى بلدة

 ولكن لم اعمل فى مجالى

وفتحت مــــــــــــحل بقالة

 والحمد لله ماشى الحالِ

وانى قد جـــــــــهزت شقة

 فى الارضى وليست بالعالى

قال يا
ولدى بنتى لم تنه تعليمها

 وكيف اربـــــــط حياتها ببقال

انها سوف تكــــــــمل تعليمها

 وتلحق بوظــــــائف العلالى

ولكن لا تحـــــزن فى نفسك

 يا ولدى فانت عندى غالى

فلقد جاءهــــا من العرسان

 من هو واطــــــــــى وعالى

فدع بنتـــــــى يا ولدى لكن

 ليس رفـــــــض ولا تعالى

وانما هو قســــمة ونصيب

 دعـــــــك من هذا ولا تبالى

فتركتـــــــــــــه ومضـــــــت

 الايام الطــــــــوال الخوالى

ولقد عرفـــــت بعدها انه كان

 عينه علــــى عريس خيالى

ولكن ضــــــــــــاع العريس 

وضاعت معه كل الامالِ

افتحي قلبكي

افتحي قلبكي
افتحي قلبكي
افتحي قلبكي سيدتي
انتي حياتي
وابتسماتي
ومعذبتي وملهمتي
جئتك من كوكب ثاني
فاطردي كل احزاني
واغرقيني حبا
واحرقيني شهبا
فجري داخلي الانهار
واكتبي في الحب قصتنا
وانشري كتبا في محبتنا
وازرعيني ارضا
وامطريني مطرا
واشعليني حبيبتي نارا

كل شئ كان قبلك اصبح هباء
كل حب عشته كان مني غباء
يا امرأة علمتني كيف اعيش
كيف اغني
كيف يكون عشق النساء

انا لست من زمن اخر
ولا اصنع المعجزات
غير اني ادمن هواكي
واكتب فيكي كلمات
واخلص ولا ارضي غيرك
فانا بين يداكي حتي الممات

ما عاد الهوي

ما عاد الهوي
ينتظر رجوعنا لبعضنا
لقد محي الهوي
من سجلاته حبنا
لقد قتلنا هذا الهوي
واستحللنا فيه قتلنا
هذا الهوي
مزقناه وضيعناه بعندنا
هذا الهوي قد رحل
هذا الهوي نجمه قد افل
هذا الهوي
بابه ما عاد يفتح واتقفل

هذا الهوي
مات بغيرتنا
وفي نظره قد متنا
فمن يحيي موتنا
ما عاد ينتظر الشوق
فالشوق برئ مننا

لم يري منا الهوي اهتماما
أين كان اهتمامنا
بعدا وعندا لا تسامح
ونزف بين جراحنا
هذا الهوي الذي
قد عاش يوما بيننا
قد مل منا قد عانا منا
لم يعد يهتم بأمرنا

قرأتها في عينيه
كأنه يقول أننا
لم نصون اي عهد
بل قتلنا عهودنا
وضيعنا اجمل ايام
وحطمنا احلامنا
حتي اللقاء
كان قاسي الكلام
بارد لقاءنا

محطمة القلوب

  كفاك 

 محطمة القلوب ..كفاك
لم اعد

 انا .. احتمل رؤياكي
كذب وغش .. دمع وخداع
ارحميني
وارحمي فى الحب عيناكي
فالحب

 منك ومن افعالك برئ
فالحب

 اصبح خطيئة من خطياكي
وقلبي مركب اعصارك دمره
وموجك 

 رماني في بركان هلاكي
كيف الوم

 نفسي فاللوم يقتلني
وكيف 

اعيش وكيف انساكي
وكل جرح

 منك فى الليل يوقظني
والجرح 

يبكي وينزف بين يداكي
اصبحت

 عقيم الهنا عقيم السرور
فحين ابتسم

 اجد علي الجدار ذكراكي
استحلفك

 بالشئ الغالي الثمين
ان تتركيني

 وترحلي .. ارحلي بهواكي

فاكرني اه خسرت

فاكرني اه خسرت
قلبي لما اتجرحت
وهتضلم جوايا
لأ .. دانت مش عارفني
ولا يوم مكسور هتشوفني
دي العبرة بالنهاية
دانا قدك قد جرحك
اوعي تغرك ملامحك
واشوفك تاني برئ
قدامي انت اتكشفت
وياريتك اتكسفت
الا انت دايما جرئ
تجرح اه وتضحك
وتتباهي بجرحك
اضحك علي كيفك
انا عمري ما هسامحك

فاكرني اه هاموت
وانادي بعلو الصوت
واقولك ارجعلي
لا ابعد عني انسي
مابقاش ليك قلبي مرسي
مهما انت تدمعلي
خلاص بانت حقيقتك
ماعرفش ازاي عشقتك
اتاريني كنت اعمي
عمال احب فيك
وانت الغدر ماليك
دانا مهما اقولك مهما
مش هياثر فيك
ده بكرة تشوف بعنيك
عمرها ما هتتغير
اي حاجة فيك

حبيبتي .. السمراء

تطاردني ..
في الصباح وفي المساء
وتعانقني ..
وتأخذني الي السماء
انها تملكني..
فأنها ست النساء
عندما تغازلني
وتهدهدني كالطفل
لا استطيع مقاومة
تفعل بي ما تشاء
وتأخذني
بين راحات يديها
حتي تفيض من جسدي
ينابيع الماء
وتحيطني ..
بالازهار وترسلني بعيدا
لا أري غيرها
فكل شي دونها
صار هباء
حبيبتي .. حبيبتي
انها حبيبتي
عيناها في الكحل كليل
يتوسطه قمر يدور حولي
بلا شقاء
والرموش الساحرات
والخدود المهلكات
ما رأيت مثلها
في هذه الدنيا حسناء
تعطيني الحب خمرا
يداها حولي جمرا
وتشعله نارا برد الشتاء
حبيبتي .. حبيبتي
حبيبتي .. السمراء

هتروح وتغيب

هتروح وتغيب
طب روح طب غيب
مش هنساك يا حبيبي انا
مش هنساك
لو حتي تفوت مية سنة
هعد الثواني
هعد الدقايق
هعد الساعات
مهما تغيب
مستحيل
انسي اللي فات
هتروح وتبعد
هتسمع وترجع
هتلاقيني يا حبيبي
زاي مانا

مش هنساك يا حبيبي انا
هتفضل عايشه ذكرياتنا
كل ماضينا كل حياتنا
كل كلمه اتقالت
كل فرحة عشناها
كل دمعة سالت
في لحظة حزن دوقناها
كل ده يا حبيبي
كل ايامنا يا حبيبي
قولي ازاي انساها
قولي ازاي انساها

في كلام كتير

في كلام كتير
عايز افضفض بيه
نفسي احكي
نفسي ابكي
لو ثانية بين ايديه
نفسي اسمع منه كلاموا
ايديا تلمس ايدو في سلاموا
نفسي اشوفك يا حبيبي
يارسول الله
دايما مشتاقه عنيا
في المنام للرؤيا ديا
محتاجك يا كل ماليا
ياخير خلق الله
يا حبيبي
يامسك الختام
يا سراج
يا نور الظلام
يا معلم
يا خير امام
علي ارض الله
يارحمه للعالمين
يا ختام المرسلين
غيرك انا ليا مين
يا حبيب الله
يا شفيعي
يوم الدين
يا صادق
يا امين
شوقي زاد ليك حنين
يا رسول الله
عليك السلام
صلي الله عليك وسلم

صلاح الدين ينادي

صلاح الدين ينادي
يا شباب بلادي
ماذا تنتظرون
عودتي ام عودة اجدادي
فصلاح قد ذهب
وعمر قد ذهب
وانتم قادرون
فحولو التراب ذهب

لا شيئا مستحيل
خطوة تصنع الف ميل
والبعيد دائما قريب
ابحث تجد الدليل

لا تفقد يوما امل
ولا تقول ما العمل؟
قول فقط الله اكبر
يأتي الله بالعجل

احيو دولة الاسلام
سوف تنول الاحلام
سوف تجد النور
ويختفي الضلام

صدقني مش سهلة

صدقني مش سهلة
اني انسي .. اني ابعد
انك انت كدا تسيبني
صدقني مش سهلة
انك تمشي .. كدا بسهوله
وتعذبني
صدقني مش سهلة
لما احبك اه بجد
وتبقي انت حبيبي
وحبي ليك مالوش حد
واعيشلك كل حياتي
لما سيبت كل الناس
وضحيت ايوه عشانك
ملكت فيا الاحساس
كنت اجمل ما في حياتي

وابتديت انت تملكني واحس معاك..
اني باعيش
وابتدأ الفرح يسكني وغير هواك ..
كان ماليش
طب ليه كدا تبعني
طب ليه تخدعني
ليه تكون النار
والسم والمرار
اكيد انسان مريض
جرحك لغيرك عيد
طب ليه
دانا عشت عمري كله اخلص ليك
شفت احلامي كلها انا فيك
دمرت ليه كل شئ بنيته بايديا
وانت ليه بيا تتسلا
صدقني مش سهله

صدقني مش سهله
يا ما قولت اني ليك
مش هاسيبك
عمري مايغلاش عليك
ولا مره فكرت اخون
ياما سهرت اه في حبك
اغنيلك
كنت في الشده جانبك
وانا اهو عليك بهون
عمري ماحسيت غدرك ولا قلت راح تبيع ...
ليه بعت
كنت شايفك اه فرحه في صورة حمل وديع..
ومعاك ضعت
ازاي تجرحني
ازاي تدبحني
ازي تخون السنين
الحب والحنين
ازاي تكون انسان
خاين كمان جبان
طب ليه
دانا عشت عمري كله اخلص ليك
شفت احلامي كلها بين ايديك
دمرت ليه كل شئ بانيته بايديا
وليه انت بيا تتسلا
صدقني مش سهلة