من غير سبب

من غير سبب بتقرري
انك عني تبعدي
طب قولي اه برري
ليه عايزة تبعدي
لو كدبت عليكي قولي
لو جرحت فيكي قولي
ماتسيبنيش كدا وتبعدي

عرفت قبلك ياما كتير
ولا حصل فيا تغيير
بس انتي غيرتيني
شفت فيكي حلم بكره
مش عايزك تكوني ذكري
بعد ما انتي خلتيني
انسان جديد
بيكي سعيد
فرحان اوي بضحكتك
لما بتكلميني

ابعدي بس مش هسامحك
ازاي تغيب عني ملامحك
ياللي ملكتيني
انتي اجمل شئ حصلي
ياريت قلبك يقوللي
ليه بتعذبيني
قولي بقي
قولي بقي
لو حتي كلمه وحده
بيها تريحيني