تاهت ولقيناها ....... واللى اتعمل اتعمل
العقده فكينها ......... بهدواه مش هبل
والغايب جه وعاد ..... والخير ملا البلاد
بالحب والامل ............ بالحب والامل
يا بلدى
يا بهيه ........ بملايه وجلابيه
فى عيونك الصبيه ........ اهد انا الجبل
انا شب وعنتيل ... مش ناوى ع الرحيل
مافيش غيرك بديل ... مهما طال الاجل
انا اكتب شعرى فيكى . وغرامى وحبى ليكى
اموت خاطر عنيكى ... بس طيرك اتسجن
لاهمو نار بتضرب ... ولا من النار بيهرب
ومهما تضرب تقلب ... ما تهموش المحن
فى الضلة اه لاقيتها
الحلوة مستنية
عينى لاقت عيونها
قالتلى م الفجرية
وانا واقفة يا حبيبى ... والشوق زاد عليا
قرب احضن لهيبى ... خلى ايدك بايديا
يا حبيبى فك سجنى ... فى بعدك قتلو ولدى
شوف دمعى وحزنى ... خدو كل ما عندى
والنيل بقى دم سايل ... وعملو فيا عمايل
مش عاوز رد جمايل ... فين حق اللى اتقتل
فين حق اللى اتقتل
