سوف نحيا كرام

سوف نحيا كرام  .... هذا علينا لزام

امة الاسلام    ..... سوف نحيا كرام

ثورتى .. ثورتى ..   ثورتى . ثورتى

وبلدى انا ............ تحيا فى ثورتى

لن تنطفى نيران ..... لن يهدا بركان

وستمضى ثورتنا .... قدما للامام

لن يدوم ضباب .... سيختفى السراب

وستعلو رايتنا ... راية الاسلام

هيا هيا يا ضمير ... راكبا او تسير

الاّتى خير كثير ... وستشهد الايام

ثورتى .. ثورتى  ثورتى .. ثورتى

وبلدى انا ............ تحيا فى ثورتى

افرحى يا ام الشهيد .... وزغردى وارقصى

دمعك لن يفيد .... وعلى الدعاء احرصى  

عدت لكى  من جديد ... من رحمة الله لا تيأسى

لن يقيدنى حديد ... ولن يدوم محبسى

هذه هى حياتى ... من اجل وطنى اموت

فلتسمعوا كل اهاتى ... فليحترق السكوت

هيا هيا يا اهالى  .... انتفضوا من البيوت

واكسرو صمت الليالى ... لا تخافوا جبروت  

ثورتى .. ثورتى  ثورتى .. ثورتى

وبلدى انا ............ تحيا فى ثورتى

مش عارف اقول فيكى ايه

مش عارف اقول فيكى ايه؟
كل ما امسك
قلمى واكتب
يطلع كلامى سم

مش عارف  ... !

 انتى حبانه ولا كرهانه
شجاعة ولا جبانه
وخداكى ضربة شمس عيانة
راضية ليه بالعيشة الغم

قلت  اكتبلك زى هشام
او حرف من حروف الخال
او كلمة من كلام عمى نجم
مالقيتش غير سم فى سم

دورت فى قصايد نزار
زاغ البصر فيها احتار

مالقيتش غير سم فى سم

حتى فى قصايد فاروق
نفس الكلام خارج من جواتى
محروق
برضه سم فى سم

خلاص مابقتيش هبةالنيل
عارفة ليه؟
عشان نيلك اتلوث
خلاص مابقتيش بلد الامان
عارفة ليه؟
عشان
وليك بدم عيالك اتلوث
ولاباقيتى ام الدنيا اصل الام ماتت
وسابت ولادها مش لاقيين
حق رغيف ملوث

اوعى تزعلى منى ده حقى عليكى
ان طلت رقبتك هامسك فيكى

بس برضه مش بتهونى عليا
ان طلبتينى تلاقينى قدام عنيكى

احنا عايزين نشوفك عاليا فوق
انتى تفوقى واحنا نفوق
احنا عايزينك تحسينا
وترجعى ام الدنيا
حسينا ارجوكى حسينا
ولااحنا بندن فى بلد تانية

بحبك يا بلادى

الله الله ... على بلدى الله
بيقى احلا يوم ... لما اقوم م النوم ... على صوت عصافير بتقول ... الله الله
بتطير فى هوا بلادى ... اللى ساكنه فؤادى ... ليها حبى وليا ودادى .. بلدى يحرسها الله
هى اللى بعيش فيها ... وبدمى انا ارويها ... روحى ماتغلا عليها .. ولامرة انساها
حبك فيا مش عادى ... الله عليكى يا بلادى ... وتاريخ كمان اجدادى... دى بلدى بهواها
بحبك يا بلادى
بلدى الحلوة الجميله ... بعيون سوده وكحيلة
بلدى عاشق ترابها .... طول عمرى خدام جنابها

بلدى هى الحضارة ... ازهر علم ومنارة ... بيجوها الكل زيارة ... من اخر الدنيا
بلد احمس حتشبسوت .. واللى يعاديها يموت .. وباقولها باعلا صوت ... بعدها مافيش تانية
دى بلد صلاح الدين ... وقطز والصالحين ... واللى طلعو ملايين ... وعاملو احلا ثورة
دى بلدى الصعيدى جمال ... اللى صحى الامال .. ومشينا معاه اميال .. ورسم لينا احلا بكرة
بحبك يا بلادى
بلدى الحلوة الجميلة ... بعيون سوده وكحيلة
بلدى الحلوة الجميلة بعيون سوده وكحيلة

بلد مصطفى كامل .. محدش يقدر يجامل ... دى بلدى تستاهل .. اضحى بروحى عشانها
وسعد زغلول ... اللى كان بيقول ... دى بلدى بلد الاصول .. هتفضل حافظة مكانها
واحمد عرابى والسادات ... الله على دى شخصيات ... عاشو عشانها فى ثبات .. وكتير كمان ادوها
وشباب خمسة وعشرين ... نزلو فى كل الميادين ... قالو تانى مش ساكتين .... وبروحهم اه فدوها
بحبك يا بلادى

بلدى الحلوة الجميلة ... بعيون سوده وكحيلة

حبوها .... حبوها

حبوها .... حبوها

حبوها كدا زى ماهيه حبوها

دى بلدى وغاليه عليه حبوها

حبوها بحلاوتها

حبوها بأسوتها

حبوها بحلوها

حبوها بمرها

ومها تتعب فينا

بتزيد فينا غلاوتها 

حبوها يا اولاد حبوها

حبوها يا جدعان حبوها

دى بلدنا ملناش غيرها

عايشين على طول فى خيرها

فـ اولها و فـ اخيرها

هى احلا الاوطان

دى مصر بلدى الجميله

اللمة والبيت والعيله

ام عيون سمرا وكحيلة

هى احلا الاوطان

انا متمرد

انا متمرد
باقولها باعلا صوتى
ياللى اخدتو صوتى
وضحكتو علينا بشوية اونطة
انا متمرد
استحالة هنصدق
ناس مالهمش مبدأ
وثقنا فيهم وديا اكبر غلطه
ارحل ياللى اسمك مرسى
زى العيل شبطت فى كرسى
ضيعت حق الشهدا
ضيعت حق بلدنا
بكدبة كبيرة اسمها قال مشروع نهضة

انا متمرد
خلصت خدت القرار
ماعادش فيه انتظار
كلنا نازلين يوم تلاتين سته
انا متمرد
خطيت وتانى مش هارجع
لا سور ولا جدار هيمنع
ومش هسيب حقى لو هاموت اتقطع
ارحل ياللى اسمك مرسى
زى العيل شبطت فى كرسى
ضيعت حق الشهدا
ضيعت حق بلدنا
بكدبة كبيرة اسمها قال مشروع نهضة

مهما ترهب فيا

مهما ترهب فيا ... وتهدد فيا
كلنا جاينلك .... قصر الاتحادية
يوم تلاتين سته ... ناس من كل حته
هتقولك ارحل .... مصر مش تكية
مش دعاة عنف ... ولا سب وقذف
احنا شباب مصر ... ياللى بعته القضيه
مهما ترهب فيا ... وتهدد فيا
كلنا جاينلك ... قصر الاتحادية
مهما تعلى حيطانو .. وتقفل فى بيبانو
الحق دايما اقوى ... والسلاح حرية
الحكاية مش نهضه ... واجتماع ومواعده
بيك تانى مش هنرضى .. بانت التمثيليه
لا بيهمنا صباع ... ولا لعب فى بتاع
كفاية اللى ضاع ... بعقول غبيه
لا احنا بتوع مرشد .... ولا جواسيس بترصد
احنا الثورة بعينها ... مظاهرتنا سلمية

ميمون

اليل الليل اللى يا ميمون... لو حتى ايه انت هتكون

ملاكش فى حياتنا لازمة...... زى رغاوى الصابون
*****
يا عروسه بيحركوها بكلامهم نطقوها
يشدولك دراعك .... تفتح صدرك بطل
تعمل مسدس صباعك ... وتسوق فى الهطل
وتعمل فيها عنتر ..... بشوية حواليك
قال قادر ومسيطر ... زكله بيضحك عليك
واخد دكترة فى الهلس .... واللف والدروان
وياريت تقدر تحس .... اخرك هبل فى جنان
تعملى عجين فلاحه ... وتقول العيش كتير
وشايف الناس مرتاحه ... جبهة انقاذ وضمير
صحاب العقول فى راحة ... وانت عقلك فطير

مهرجان يرحم ايام حسنى

ورجت تانى ... اقول من تانى
على حاجات .. بتسمعها ودانى
******
خد دى ..........
اتصل بيا صاحبى
قاللى فين انت يا صاحبى
قولتلو انا فى البيت يا زميلى
قاللى بسرعه يا ريت تجيلى
لبست هدومى بسرعه
والجو كان حر وولعه
طلعت وشاورت لعربيه
ركبت فى مكان على قديه
وبعد شويه كمان
العربيه وقفت فى مكان
ركب معانا واحد بسيط
شكلو كان طالع م الغيط
وبعد شويه م السكوت
اخينا راح مطلع صوت
قال يا حسنى فين ايامك
ولا يوم بقى من ايامك
بصتلو انا فى زهول
وقلت فى بالى اكيد مسطول
وانسحبت من لسانى
اصل كلمته وجعانى
وقولتلو فسر كلامك
والا انت مش شايف قدامك
قالى ادينا الاخوان
وماحدش هيبات جعان
والاخوان زبطو بعض
والشعب فى بعضه يعض
والدوله خلاص راحت
والفلول شكلها ارتاحت
والشعب اتلهى فى العيش
والسولار والبنزين مافيش
تبقى دى اسمها دوله
والحكم بعد المداوله
الكل ياخد براءه
الكل ياخد براءة
والا اقولك
شوفلك بقى غيرها دوله

واناااااااااااااااااااااااااا على الربابه بغنى

يا بلدى يا حته منى
يا عايشة جوة حضنى
لو فيوم زعلت منك
بيبقى غصب عنى
واناااااااااااااااااااااااااا على الربابه بغنى
واناااااااااااااااااااااااا على الربابه بغنى
وبقولك كلمة اسمعيها
رجالتك انتى اولا بيها
وماتسمعيش لاى حد تانى
بكرة هيحرمك منى
واناااااااااااااااااااااااا على الربابه بغنى
واناااااااااااااااااااااااا على الربابه بغنى
وانادى بعلو صوتى
حتى كمان فى سكوتى
لو فى وشى قفلتى بابك
هافضل واقف مستنى

مصر يامه يا سفينه

مصر يامه يا سفينه
يا ماشيه وعايمه بينا
كان فيكى فاسدين كتار
حسنى مبارك الجبار
واولادنا الاحرار
عملو ثورة وانفجار
وراحو منهم شهدا كتير
عشان نحس التغيير
لكن كانت المصيه
الثورة اتخطفت منهم
ركبوها ناس عجيبه
مايعرفوش حاجه عنهم
فاكرين مصر دى عزبه
والا كمان دى فزبه
كل واحد يركب شويه
بتتاجر بالساعه هيه
قلتو نهضه قلنا امين
وانتو اخوان كذابين
بتقولو جمهوريه تانيه
دانتو عايشين فى مصر تانية
نهضتك اقطع كهربه
واكدب كمان ع الملايين
اعمل خلطه مجربه
وتاجر كمان بالدين
قولتو مشروع اسلام
دانت اكبر حرامى
ده اللى شايفو قدامى
وده مش اخر كلامى
وده مش اخر كلامى

مصراوى ... مش اخوانى

مصراوى ... مش اخوانى
سلفى كمان علمانى
احنا رجعنا لك
للاتحادية كدا تانى برجلينا
وكارت احمر لك
علشان نطردك كدا بايدينا
ياللى سرقتونا
وبسهوله كدا ضحكتو علينا
يوم 30/6
احنا وكل الحته
مش هتلاقى خمسة سته
كلو فى صوت واحد
يلا بقى ارحلو وسيبونا
مرسى ده ايه
شاطر ده ايه
بديع ده ايه
كله هنتمرد عليه
وهننزل لو حتى ايه
موضوع كبير ولازم
مانسكتش يوم عليه
وسع بقى للشباب
اللى جايه تفتح باب
يعنى فيها ضرب نار
ايوه جد مش هزار
اوعى العو يامه بخ
دى شباب مش هتنخ
هما دول المصريين
بتوع خمسه وعشرين
يعنى الثورة راجعة تانى
وانت منها راح تعانى
واصحى فوق يا مسطول
ياللى ضحكتو العالم
انت عارف ايه تقول
دى بصراحه مش عقول
حلوى اوى جدا
الحوار السرى العلنى
انا متاثر جدا
لحد امتى هاقف مستنى
ياسلام بقى ع العقول
يخرب بيت ابو الفول
يخرب بيت ابو الفول
يخرب بيت ابو الفول

حنين

انا كنت تايه ولا قيتك

خدنى الهوى لحد بيتك

وسابنى هناك وخلانى ادوب حنين

حنين دايما مشتاقلك

فى كل لحظة محتاجلك

ولو تبعدى عنى يوم اعيش حزين

لو قلتلك بس بحبك

وعاوز اعيش انا جنبك

مش هيوصف احساسى يا نور العين

انا نفسى اضمك جوايا

واعيش معاكى للنهايه

ولا ابعد عنك ولا اسيبك لو حتى يومين

حنين العشق ده خدنى

وسابنى عندك ولا جابنى

مين يقدر يحاسبنى يام العيون قاتلين

محلاكى وانتى كدا جايه

بالضحكة والنظرة ديه

حياتى بعدك مش هيه وبعدك اروح لمين   

احلام واوهام

احلام واوهام زمان
معــــــــــــاك عشتها
صدقتك وكان اللى كان
كـــــــــدبه شربتها
وخلاص حياتى معاك
صفحـــــــــة قلبتها
ماتقولش منى
ده غصب عنى
م اللى شفته معاك
خلانى انسى
خلانى اسى
بسهولة ارمى وابيع هواك

ماعرفش ازاى انت
معــــــايا حسبتها
حياتى كانت فـ ايدك
وانت ضيعتـــها
انا لازم انسى وابعد
دى مشاعرى كسرتها
ماتفكرش يعنى
جرحك وجعنى
انا بقيت اقوى
مش دى النهاية
دى هيا البدايه
عشان اعيش ايام حلوه

سوف ترحلين

سوف ترحلين
وتتركي قلبي معلقا بالامال والحنين
ارحلي ارحلي
واتركي لقلبي حب عاش في سنين
حبيبتي حبيبتي
ساغدو عنك راحلا
لكن في قلبي حاملا
ذكري لافحها الانين
وربما القاك
ربما القاك
حين اغمض عيناي
حين افرد يداي
واقولها تعالي ماذا تنتظرين؟
ربما القاك
ربما القاك
صورة في البحر
ملاك بين البشر
ضحكة في وجه شخص حزين
ربما القاك
ربما القاك
زهرة في زهور الربيع
عطرها النقي البديع
يشفي قلبا قد عانا مر السنين
سوف ترحلين
معذورة في بعادك لن الوم عليكي
معذورة معذورة كم قسوت عليكي
ارحلي حبيبتي
ارحلي وتذكري
كم عشنا ليال
تضمنا كاسات العشق سهرانين

مش شايف فيكى جديد

مش شايف فيكى جديد
بالعكس زى مانتى
مهما اقول واعيد
ضاعت منك حبيبتى
حبيتى دلوقتى ذاتك
شيلتينى من حياتك
ايوه اتغيرتى ايوه اتغيرتى

دلوقتى كل ابتسامة
بيبقى وراها حاجه
حبك ضد الكرامة
ومشاعرك تلاجه
ليه حد تانى بقيتى
ياريتك رحتى ماجيتى
خلاص مش محتاجه

بره نفسي

نفسي اخرج بره نفسي
عشان اشوفني واشوف نفسي
وأعرف ايه اللي في نفسي
واحس شوية بنفسي
وأعرف ايه اللي مضيعني
... أنا تايه ولا لاقي حد
ولا حتي ايد تتمد
بيني وبين الفرح الف سد
انا جوايا بموت بجد
وقلبي اه بيوجعني
مصدوم في كل اللي حواليا
موهوم باللي شايفاه عنيا
حتي النوم مابقاش ليا
الحياه جاية عليا
ولا مدياني ريق
دايما وخداني علي مشمي
لا عمرها يوم بتسمي
نستني نفسي واسمي
ماسبتش غير الم في جسمي
في البحر مرمي غريق
كلمات علاء بدر

مهرجان ( بقت اخوانية )

يالهوى يابا ... بقت اخوانيه ... ههههع

عاملى راجل ...  قال قد كلامو   يع

فاهم وعارف ... شايف قدامو  يع

قعدو فى السلطه ... مش عارفين حاجه  يع

مشاعرهم بارده  ... ولا تلاجه 

اييييييييييييييييييييييييه

***********

الشعب قالو خليك مصرى

قالهم ايرانى  .... قطرى

قطع النور

 وعاش فى الدور

  طب امتى بقى  هتغووووووووور

اداها الطرشه وقال اخوانى

عشيرتى واهلى دول اخوانى

سيبونى اعيش فى الدور ثوانى

انا الرئيسسسسسسسسسسسسس

مشاريع ونهضه

بلاش معانده

وانت يا شعب

اسكت واهدا

انا واخدها عافيه وفرده

يا شعب بيسسسسسسسسسسسسس

***************

الشعب اه حصلتلو صدمه

مش لاقى هدمه ولا لقمه

ضاعت الثورة

مصيبة وحسرة

بلدى بقت ليه فى كسرى

********

الاخوانى شايفها عادى

جابو لينا الاعادى

جابو الشيعه

هيبيعوا سينا

بس الاهم تلحق تلم

وام الشعب

اقلبها حرب

خدو اللى عايزو يلا عم

نسى اللى كان

ايام زمان

 دلوقتى كله قدامنا بان

************

المرشد بقى حالته حالا

فجأه لقى تانى رجاله

جولو المقطم ... على خده يلطم

طب اعمل ايه ......  يا اخوانجيه

فينك يا مرسى .... رد عليا

بتعمل ايه  ... فى الليله ديا

تعالا شووف

شباب ثاير

 جاى ملهوف بدم فاير

بيقول يسقط  حكم المرشد

انت مين عشان ترشد

بلدنا ليك مش هانسيبها

تبعد عنا راح نجيبها

احنا الثورة والميدان

6 ابريل  وغيرها كمان

وبلاك بلوك ووايت مان

والشعب الطيب الغلبان

**********

لم جماعته وقال مصيبه

اتصرفو جاتكم خيبه

اعملو حاجه  مش محتاجه

لاخلى ليلتكم كئيبه

هات الامن واعمل عبيط

خلى كلو فى بعضه يزيط

وفى الاعلام قول كلام

بس خليك حويط

قالو دى فكرة ايه

ده حل انما ايه

هنقول ونعيد

ونروج للاخوانجيه

شايف الحل البسيط

لم الناس واعمل وسيط

وقول  مصر ميه ميه

وقول مصر ميه ميه

********

لكن هتروحو فين

من باسم وكلامو يا عين

على طول كاشفكم وهارسكم

ع الوحده بيرقصكم

ههههههههههههه

عيشلكو شويه

مابقت اخوانيه

عيشيلكو بقى شويه

ما بقت اخوانيه