مابقتش عارف ادمع

مابقتش عارف ادمع
من كتر الجرح اللي بيوجع
بقول اه من غير ما اتكلم
ولا حد جانبي يسمع
عمري ضاع كده هدر
مين ظلم مين غدر
بصبر في نفسي اقول
اصبر .. ده حكم قدر

لفيت العالم ده كله
مالقيتش حد اقوله
ع العذاب اللي فيا
والحزن اللي سهر عنيا
قد ايه الفرح محتاجله
خايف قوي من دي نهاية
اصحي مالاقيش حد معايا
حد يا خد مرة بخاطري
حد يواسي اه مشاعري
يشيل شوية من جوايا

شفايفي نسيت ضحكتي
ضلمة في عيني سكتي
ايام ملهاش ملامح
علي خدي طالت دمعتي

سايبها وماشي وراضي
لحد ما يجي ميعادي
لو مكتوبلي هافرح
لو مكتوبلي اتجرح
جوايا نار وده عادي
عمري ده ما يتحسبش
ايه حلو ماتمررش
عذاب مصاحب الم
دموع وجرح وندم
هي دنيا ما بتتغيرش

من نبضات شاعر