مستغربه الكلام

مستغربه الكلام ده يطلع مني 
 والا انا عشان صعيدي اكمني 
 وحاطه ف بالك زي ما قالولك 
ان الصعيدى قفل 

لا .... 
 يا حبيبتي دانا ابن مدارس
  من الابتدائي للجماعة دارس 
 وبكتب قصايد حب 
 واشعار زى الفل 

بس فيا ميزه 
اللي ف قلبي علي لساني
  ولاعمري اقول اه
 مهما كانت الاه وجعاني
  بس ف حبك اقول اه ومليون اه 
 بس انتي رسيني علي حل 

ان كان ع المهر هادفع
 اللي معايا لو الوفات
 بس ياريت ابوكي وامك
 مايقولوش هات وهات
  اصل انا علي قد حالي
 هما دول التحويشات
  وافقي بقى  انا قلبي مل
  

يا بت الناس
 انا جيبت معاك  م الاخر
  احنا لسه هنقعد
 نسمع غناوي حليم والساهر
  تعالي نلم نفسنا 
في شقه صغيرة تضمنا 
 ولا انا هاين عليكي اتشل

امتي بقي اسمع جوابك 
 وبلاش حكاية خطابك 
 ان كانوا كتروا علي بابك 
 دانا اولي بيكي عشان
 بحبـــــــــــــــــــــــــــــك
  ودي فرصه واحسبيها بالعقل